Në vitet e fundit fermerët kanë nisur kultivimin e pemës së Paulounias, një fidan me mjaft interes ekonomik për bujqësinë.
Dëshira për kultivimin e saj është mjaft e madhe, ndonëse fermerët kanë pak njohuri të kësaj bime, ndërsa specialisti i Paulonias, Zef Gjonaj, ka gjetur mbështetjen e një pjese të fermerëve, duke kultivuar këtë bimë.
Në fermën e fshatit Tale, Mamurras, dhe disa fshatra të Tiranës ditët e fundit po mbillen dhjetra hektarë, ndërsa kanë asistencën e vazhdueshme të specialistit.
Sipas Gjonaj, kjo kulturë kërkon përkujdesjen e fermerit pas mbjelljes me disa lloje pesticidesh.
Më pas bima e Paulounias arrin zhvillimin e saj të plotë, ndërsa në vitin e tretë bima ka arritur dimensionet për material dërrase mjaft të preferuara për industrinë e mobilierive në disa nga vendet më të zhvilluara në botë.
Paulounia rigjeneron vetveten çdo tre vite, por mbetet problem bimët e ngjashme hibride të cilat janë futur në treg që nuk garantojnë prodhim, sikurse janë dhe të pa licencuar.
Sakaq, specialisti Gjonaj apelon strukturat shtetërore për suvensionimin e fermerëve, për këtë bime me mjaft interes.
[ngg_images source=”galleries” container_ids=”143″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]TIRANA TODAY
