Partizani ka nisur prej më shumë se 1 viti ndërtimin e stadiumit të ri, i cili u tha se do të kishte 5 mijë vende.
Më pas, u përfol për një rritje kapaciteti me 2 tribuna, por nga punimet në kompleks duket se kapaciteti i stadiumit është shumë i vogël.
Tribuna përkarshi thuhet se nuk do të ndërtohet për momentin, ndërsa stadiumi do të nisë të funksionojë me tribunë qendrore me kapacitet 3200 vende dhe pas porte do të jetë një tribunë e vogël me 3 radhë, me 800 vende.
Duket se kjo shifër nuk i ka kënaqur ultrasit, të cilët e shohin si një hapësirë të kufizuar për tifozerinë e tyre.
