Prokurori i Përgjithshëm Adriatik Llalla deklaroi sot në Tiranë, se persona pjesëmarrës në grushtn e shtetit në Turqi më 15 Korrik 2016, fshihen në vendin tonë.
Duke folur në Konferencën Ndërkombëtare të Prokurorëve të Përgjithshëm të rajonit, Llalla tha se organet hetimore janë vënë në lëvizje rreth kësaj çështjeje.
“Persona që kanë marrë pjesë në puçin e shetit në Turqi, fshihen në Shqipëri. Janë vënë në dispozicion informacione konkrete. Po bëjmë verifikime. Për këtë po hetohen edhe biznese”, theksoi ai.
Institucionet turke prej kohësh kishin deklaruar se ka informacione që provojnë se në Shqipëri strehohen individë të përfshirë në grushtin e shtetit të vitit të kaluar në Turqi, dhe për këtë i ishin drejtuar institucioneve ligjzbatuese shqiptare, të fillojnë hetimet dhe bashkëpunimin.
Pak ditë më parë Prokurori i Përgjithshëm Turk, Mehmet Akarca, kërkoi bashkëpunimin e autoriteteve shqiptare për hetimin e kësaj çështjeje, tejet serioze për Turqinë.
