Ish-ministri i Jashtëm, Besnik Mustafaj është shprehu se pas negociatave të fundit opozita merr garanci me paketën “McAllister”.
Mustafaj teksa komentoi situatën politike në vend, pohoi se ditën e sotme ka shpresa për arritjen e një marrëveshje mes opozitës dhe mazhorancës, që do të sjellë dhe futjen e koalicionit opozitar në zgjedhjet parlamentare.
“Ajo është platformë. Po punohet, po negociohet dhe do arrihet në një kuadër të plotë. Opozita do marr garanci kur të shoh ça është pranuar dhe ça jo. Shenjat e optimizmit qoftë të Bashës, qoftë të aleatëve, janë për mirë”, tha ish deputeti Mustafaj.
I ftuar në rubrikën “Opinion” , Mustafaj tha gjithashtu se protesta e opozitës deri më tani është pozitiv në thelbin e vet dhe ka arritur ndërkombëtarizimin e krizës si asnjëherë më parë.
