Ideja e “Shqipërisë së Madhe” ka qenë tema kryesore e bisedës midis Kryeministrit serb Aleksandar Vuçiç dhe Presidentit rus Vladimir Putin mbrëmjen e djeshme në Pekin.
E përditshmja “Veçernje Novosti” sot në një artikull të publikuar në faqen online ka raportuar lidhur me detajet e këtij takimi dhe për situatën politike në rajon.
Mësohet se burime të pa identifikuara për median e shtetit fqinj, kanë bërë me dije se gjatë darkës së shtruar mbrëmjen e djeshëm nga presidenti kinez Xi jinping, deklaratat e bërë nga shqiptarët e rajonit , Putin dhe Vuçiç i kanë konsideruar të rrezikshme dhe gjithnjë në rritje.
Vuçiç po udhëheq një delegacion serb që merr pjesë në Forumin e “Një brez një rrugë” për Bashkëpunimin Ndërkombëtar që organizon Pekini.
Përveç Xi dhe Putinit, Vucic u takua gjithashtu me Bjellorusinë Aleksandër Lukashenko, Kryeministri hungarez Viktor Orban, Kryeministri grek Alexis Tsipras, Kryeministri polak Beata Szydlo, Kryeministri spanjoll Mariano Rajoy, Kancelari britanik i bursës Philip Hammond dhe Presidenti i Bankës Botërore Jim Yong Kim.
Tiranatoday.com
