Ish – kryetarit të Bashkisë së Dibrës Shukri Xhelilit, Gjykata e Apelit për Krime të Rënda i ka ndryshuar akuzën, dhe i ka zbutur masën e dënimit.
Në përfundim të gjykimit në Apel, një Kolegj Penal i kryesuar nga Nure Dreni ka vlerësuar se i pandehuri Xhelili nuk duhet të akuzohet për akuzën e “korrupsionit pasiv të funksionarëve të lartë shtetërorë ose i të zgjedhurve vendore”, por për akuzën e “marrëdhënies seksuale ose homoseksuale duke shpërdoruara detyrën”, mbetur në tentative. Duke e deklaruar të fajshëm për këtë akuzë, Apeli ka vendosur dënimin përfundimtar me 1 vit e 8 muaj burg për Xhelilin. Ky dënim është 1 vit më u ulët se dënimi i Shkallës së Parë, në janar 2017, sipas të cilit ish¬zyrtari u dënua me 2 vjet e 8 muaj burg, shkruan Panorama.
Shukri Xhelili, ish-kryebashkiaku i Dibrës, u arrestua në 16 maj të vitit 2016, pas publikimit ne media të një videopërgjimi. Sipas medieve videot ishin realizuar përmes telefonit celular të 20 vjeçares në tre ambiente të ndryshme, në zyrën e kryebashkiakut, në automjetin e tij, si edhe në dhomën e një hoteli në Tiranë.
