Disa ditë më parë ish-futbollisti i Milan, George Weah, i cili kishte fituar “Topin e Artë” me kuqezinjtë, befasoi duke u shprehur se ishte një tifoz i zjarrtë i Juventusit.
Pas kësaj duket se ka marrë “zemër” edhe një legjendë si Çarlo Ançeloti i cili ka çuditur duke pohuar se fëmijë kishte bërë tifozllëk për Interin.
“Kur kam qenë fëmijë kam pas bërë tifo për Interin. Më kujtohet që një ditë vendosa të bëja një provë te zikaltërit, por ata nuk më pranuan. Më pas, të gjithë e dinë që u bëra një lojtar i Milanit. Vitet më të bukura të karrierës sime i kam kaluar në Milano, kur isha trajner i kuqezinjve.”
Ançeloti aktualisht është trajneri i Bayern Munich i cili mesa duket nuk po kalon një sezon të mire.
