Sekretarja për Marrëdhëniet me publikun në PD, Grida Duma, ka deklaruar se ende nuk ka një lajm zyrtar se kur do të mbyllet “çadra e lirisë”.
Duma në një interviste për rubrikën “Opinion”, ka dhënë disa arsye se pse ajo ishte e suksesshme në gati 90 ditë përballë godinës së kryeministrisë.
“Nuk ka një lajm zyrtar për mbylljen e çadrës, besoj që nuk do të ndodhë, por pritet të shohim. Jemi duke iu afruar 18 qershorit, situata dhe gjuha duhet të jetë diverse. Çadra, ose Shtëpia e Lirisë, e provoi veten të suksesshme në shumë gjëra. Ju e dini që nuk do ndodhte shkarkimi i 4 ministrave, dy prej të cilëve mbajnë lapidarin e korrupsionit e krimit, ai i brendshëm dhe i shëndetësisë.” tha Grida Duma.
Gjithashtu, ajo është shprehur se protesta e PD e ka vërtetuar se ka qenë gjithnjë paqësore dhe nuk ka si qëllim krijimin e destabilitetit në vend.
