Shkolla 9-vjeçare e fshatit Rrapëz të Lushnjës është përfshirë nga një helmim masiv.
Nga raportimet e para mësohet se rreth 25 nxënës kanë shfaqur shqetësime shëndetësore 2 ditët e fundit.
Po ashtu, thuhet se paraditen e djeshme gjatë dy orëve të para të mësimi nxënësit kanë ndier dhimbje barku dhe menjëherë janë lajmëruar prindërit që ti çojnë në spital.
Sipas pohimeve të para nga mjekët e shërbimit epidemiologjik në Lushnjë, janë marrë mostra analizash të ujit të pijshëm dhe të ushqimeve që kishin konsumuar nxënësit në dyqanet përreth shkollës.
Dyshohet se uji është shkaktari kryesor i këtij helmimi, pasi dy muaj më parë pjesëtarët e tre familjeve në fshatin Skilaj patën të njëjtën simptoma.
Përgjigjet e analizave pritet të dalin në fillim të javës së ardhshme, por sipas drejtorisë së shërbimit të higjienës dyshohet për një helmim masiv të fëmijëve.
