Anthony Joshua mposhti të shtunën Wladimir Klitschskon, për të fituar titujt e peshave të rënda IBF, WBA dhe IBO. Dëshmitarë të këtij triumfi ishin 90.000 mijë të pranishëm në stadium dhe miliona të tjerë, përmes ekraneve televizive.
Nga kjo fitore, ai përfitoi 18 milionë euro dhe, tashmë, është shndërruar në një yll marketingu që mund të tejkalojë edhe David Beckhamin. Menaxheri i tij, Barry Hearn, ka thënë se Joshua është vetëm 27 vjeç dhe mund të bëhet boksieri i parë miliarder.
“Ai ka së paku edhe dhjetë vite karrierë përpara në ring dhe nëse vazhdon të fitojë, paratë do të vazhdojnë të vijnë”, ka deklaruar Hearn. Dhe me paratë që po fiton, atij ia mban xhepi që të blejë një Range Rover me vlerë prej 178 mijë eurosh.
Ai i ka zgjedhur vet të gjitha detajet, duke filluar nga ulëset deri te rrotat, ndërsa fabrika e ka prodhuar sipas kërkesave të tij. Boksieri është shprehur i kënaqur me këtë bashkëpunim që ka krijuar një version unik, sipas shijeve të tij.
= 
