Kryeministri i vendit, Edi Rama, ka folur për herë të parë për takimin që ka patur me kreun e PD-së, Lulzim Bashën, në zyrën e Presidentit.
Kryeministri Rama tha se Bashës i ka ofruar monitorim maksimal të strukturave të shtetit.
Gjithashtu, ai la të kuptohet se edhe propozimi për zv/ kryeministrin dhe disa ministra është një pikë, e cila i përmbahet diskutimit të sotëm.
Fjala e Ramës:
Kemi rënë dakord që mos të flasim, por fjalët i ka marrë era, i ka sjellë deri tek ju. Unë kam propozuar atë çka besoj shumë se adreson problemet objektive, pra një monitorim si asnjëherë më parë të gjithë strukturave të shtetit, të Policisë së Shtetit, të drejtorive rajonale të arsimit, të sistemit arsimor, të sistemit të burgjeve, ku janë pikat që kanë qenë pikat e adresuara si problematike në raportet e ODIHR, dhe njëkohësisht një rregullore e dakordësuar si të shmangen asetet shtetrore në fushatë dhe një kategorie aktivitetesh qeveriare që nuk duhen përdorur në fushatë. Më shumë se kaq nuk ka.
