Eurodeputetja sllovene, Tanja Fajon, ditën e sotme ka deklaruar se Kosova duhet ta ratifikojë Marrëveshjen e Demarkacionit me Malin e Zi ose të gjejë një alternativë tjetër, por sipas saj, vendimi duhet të merret nga politikanët e Kosovës.
Ajo, në një intervistë për Deutche Welle, i ka bërë thirrje politikanëve të Kosovës të mos i manipulojnë njerëzit dhe të mos përdorin retorikë.
Po ashtu, Eurodeputetja tha se liberalizimi i vizave është shumë më kompleks se plotësimi i kriterit të demarkacionit të kufirit me Malin e Zi.
U bëj thirrje të mos i manipulojnë njerëzit, të mos përdorin retorika.
Liberalizimi i vizave është shumë më kompleks se plotësimi i kriterit të demarkacionit të kufirit me Malin e Zi dhe politikanët e Kosovës janë dakord me këtë”, tha Fajon.
