Kreu i PD-së, Lulzim Basha, i quajti mercenarë sot: Bamir Topin, Ben Blushin dhe Gjergj Bojaxhiun për shkak të regjistrimit të tyre në zgjedhje.
Pas kësaj deklarate, ka reaguar sekretari i FRD-së, Gazmend Oketa, i cili shprehet se ndjen keqardhje për Bashën.
Teksa foli për televizionin Report TV, Oketa tha se Basha është një figurë politike e re, me përgjegjësi shumë të mëdha, por që ka sjellë të njëjtat politika si ato të vjetrat.
“Unë për Bashën ndjejë keqardhje pasi një politikan i ri në moshë, ka një përgjegjësi shumë të madhe, dhe ka sjellë të njëjtat politika si ato të vjetrat. Kam dyshimet e mia në fakt se ka qenë ai që e ka sjellë opozitën në këtë situatë. Idetë shterojnë dhe fjalët gjithashtu, dhe tani tenton të kapet si i mbyturi pas fijes së kashtës. Historia politike e Shqipërisë ka dëshmuar që gjithmonë në momentet e fundit mund të ketë një zgjidhje, të urojmë që këtë radhë do të ketë”, tha Oketa.
