Sot temë kryesore është fushata elektorale dhe diskutohet për listat që një pjesë e partive politike dorëzuan mbrëmë në KQZ. Kush po kandidon çfarë numri është, po ky, po kjo, këtë së njohim, nga mbiu ky, si iku ky nga lista etj. Thuajse të gjithë janë përfshirë nga politika disa në protesta e të tjerë në përgatitje të fushatës elektorale. Nuk mund të them se sa prej shqiptarëve janë kujtuar sot për Ditën Ndërkombëtare të Xhazit, por kur shoh që nuk ka asnjë aktivitet më lënë të kuptoj se askush s`ka mendjen për Xhazin.
Vitin e kaluar u mbajt një maratonë 12 orëshe Xhazi që filloi në Tiranë dhe u mbyll në Shkodër. Nuk besoj se njerëzit kërkojnë të përsëritet e njëjta gjë, por një aktivitet do ishte i nevojshëm. Në këto ditë të trazuara besoj se është e nevojshme që të dëgjojmë pak muzikë të mirë. Xhazi është muzikë që ka bërë revolucion në Amerikë dhe kudo jashtë saj. Në mbarë botën zhvillohen koncerte të posaçme e ekspozita e leksione me këtë tematikë. Por me sa duket, Shqipëria sivjet vendosi ta bëj pushim. Sa keq, sepse besoj që të gjithë kemi nevojë për pak muzikë Xhaz. Nuk po shkruaj asgjë për të se si nisi si u zhvillua etj., por po publikoj një video me pak muzikë Xhaz që ju të vlerësoni vetë nëse kemi nevojë ta kujtojmë këtë ditë.
