Në një ditë të zakontë për të, 47-vjeçarja filloi të ndiente dhimbje barku.
Teksa po nxitonte për spital, Judy Brown, ishte e bindur që po ndodhte diçka e tmerrshme me trupin e saj.
Judy Brown po përjetonte dhimbje barku shumë të rënda dhe mendonte se në trupin e saj kishte gurë gëlqerorë apo ndonjë lloj bllokimi masiv në pjesë të caktuara. Sapo arriti në një spital, në Beverly, mjekët zbuluan se ajo nuk kishte asnjë shqetësim, përveçse ishte shtatzënë. Por ajo nuk ishte në dijeni të një fakti të tillë.
Ajo po bëhej nënë për herë të parë. Pas një ore që kishte arritur në spital, solli në jetë një vajzë dhe që gëzonte shëndet të plotë, emrin e të cilës ia vendosën, Carolyn Rose.
“Është pak e frikshme të jesh brenda spitalit dhe të mendosh se trupi yt po vuan nga diçka shumë e keqe, por të kuptosh që je shtatzënë dhe do lindësh direkt, kjo ishte e papërmbajtshme për mua”, tha Judy Brown.
Judy dhe Jason janë të martuar prej 22 vitesh dhe kurrë nuk e kishin gëzuar privilegjin e të qenit prindër, por kjo nuk i ka privuar nga dashuria për njëri-tjetrin. Çifti e ka përshkuar gjithë udhëtimin e tyre pa fëmijë: “Nëse ndodh, ndodh”.
