Sekretari amerikan i shtetit, Rex Tillerson deklaroi mbrëmë se Kina është kërcënuar me sanksione kundër Koresë Veriore, nëse ajo vazhdon të bëjë prova atomike.
Këtë deklaratë, Tillerson e bëri teksa foli për televizionin Fox News, për të cilin tha:
“Ne e dimë se Kina është në komunikim me regjimin në Phenian. Ata kanë konfirmuar se kanë kërkuar që regjimi të mos kryejë teste të mëtejshme atomike”.
Gjithashtu, sekretari amerikan tha se Kina u ka thënë Shteteve të Bashkuara që e kanë njoftuar Korenë Veriore se “nëse ata bëjnë teste të mëtejshme atomike, Pekini do të ndërmarre sanksione”.
Ndërkohë, edhe presidenti Trump është shprehur dje se një konflikt madhor mund të ndodhë me Korenë Veriore, megjithëse ai preferon një zgjidhje diplomatike.
