I lënduar, pas përleshjes mes protestuesve dhe deputetëve, është edhe lideri i LR-PDSH, Ziadin Sela. Në rrjetet sociale po qarkullon një foto ku Sela duket i përgjakur.
Përpos tij, të lënduar janë edhe lideri i LSDM-së, Zoran Zaev, dhe Damjan Mançevski.
Kryetari i LR-PDSH-së, Ziadin Sela, në një prononcim për Strugalajm.com konfirmoi se u dhunua nga grupi që sulmoi deputetët në parlamentin e Maqedonisë.
Edhe pse nuk pranoi të flasë për më shumë detaje, Sela konfirmoi se ai ishte rrethuar dhe ndaj të tij është ushtruar dhunë.
Sot në Maqedoni u sulmuan deputetët nga një grup dhunuesish, pas zgjedhjes së Talat Xhaferit në krye të Parlamentit.
