Marine Le Pen ka fituar pikë në sondazhin e parë të publikuar pas sulmit terrorist, që ndodhi të enjten.
Kandidatja e partisë së ekstremit të djathtë për zgjedhjet presidenciale në Francë fitoi një pikë, por mbetet akoma prapa Emmanuel Macron.
Përkatësisht Macron gjendet në kuotën e 24.5% të preferencave ndërsa Le Pen në 23%.
Kjo e fundit u shpreh se i frikësohet atentateve të reja para raundit të parë të zgjedhjeve presidenciale:
“Nuk dua të them më shumë por e dimë që ISIS ka dërguar të paktën një terrorist për të kryer atentate dhe ai është ende në qarkullim, pra rreziku është shumë i lartë”, theksoi ajo, duke shtuar se nuk besonte në asnjë mënyrë që atentati të kishte për objektiv influencimin e rezultatit të zgjedhjeve.
Ndërsa kryeministri francez, Bernard Cazeneuve ka akuzuar Le Pen pas atentatit terrorist, duke thënë se po përdor pa turp frikën për përfitime elektorale para zgjedhjeve presidenciale.
