Në doganën e Qafë-Morinës është arrestuar një shtetas kosovar. Kosovari 27-vjeçar me emrin Behar Kolukaj, u kap në të SPK, Qafë- Morinë, Tropojë, ku gjatë regjistrimit në sistem, rezulton shtetas ‘’i shpallur në kërkim ndërkombëtar’’ nga Interpol Franca.
Policia sqaron se Gjykata Savoie në Francë, me vendimin nr. Ekstra, datë 18.06.2015, ka caktuar masën e sigurisë “Arrest me burg”, ndaj këtij shtetasi, për veprat penale “Vjedhje me armë” dhe “Rrëmbim dhe heqje e paligjshme e lirisë”.
Prokuroria e Rrethit Gjyqësor Tropojë do marrë në dorë shqyrtimin e çështjes.
