Komentet që qytetarët i bëjnë kryeministrit janë nga më të ndryshme, e ato bëhen edhe më interesante, kur Rama replikon me ta.
Megjithatë, këtë herë një qytetar i ka bërë kryeministrit një kërkesë të veçantë.
Teksa zgjedhjet janë mjaft afër, sigurisht që fushata ka filluar, e duhet thënë se një nga fjalitë më të shpeshta, që kemi dëgjuar nga Rama, është “Fajin e ka Saliu”.
Por, edhe pas 1 mandati, duket se përsëri për kryeministrin vazhdon ta ketë fajin Berisha. Kështu, një qytetar i parashtron Ramës një kërkesë:
“Ti mundesh t’i fitosh të gjitha, mundet të bëhesh edhe mbret, po puna është se Shqipëria dhe shqiptarët si me ty, si me ato që ishin përpara teje, njëlloj janë… Nëse do fitosh, a mundet ta heqësh parullën “Fajin e ka Saliu?”, apo do vazhdosh me të njëjtin avaz?”, shkruan qytetari në Facebook.
Edhe pse ky është një koment pikant, Rama nuk i ka kthyer ende përgjigje qytetarit.
