Armenët, në mbarë botën, po nderojnë ata që humbën jetën gjatë Luftës I Botërore, një ngjarje që nga shumë veta njihet si gjenocidi turk kundër armenëve. Rreth 1.5 milionë armenë mbetën të vrarë më 24 prill 1915. Turqia, sigurisht, që e hedh poshtë këtë karakterizim dhe thotë se numri i të vdekurve është ekzagjeruar, dhe se ata që u vranë ishin viktima të luftës dhe trazirave. Dy vjet më parë, kryeministri turk propozoi një hetim nga të dyja palët.
Ambasadori armen në SHBA, Grigor Hovhannissian thotë: “Ne nuk fajësojmë turqit e sotëm për ato që ndodhën 102 vjet më parë, por udhëheqja e vendit ka një përgjegjësi morale për t’u marrë me këtë temë, pasi kjo udhëheqje e prezanton veten si pasuese të Perandorisë Osmane”
Kombet e Bashkuara, Papa dhe shumë vende e pranojnë në linja të përgjithshme, masakrimin e armenëve si gjenocid, por administratat e njëpasnjëshme amerikane janë rezervuar në përdorimin e këtij termi.
