Drejtuesi i lëvizjes “Zgjidhja”, Koço Kokëdhima, ka lëshuar akuza të forta kundër kryeministrit të vendit, Edi Rama.
Nga qyteti i Lushnjës, ish-deputeti socialist u shpreh se Rama punoi deri në fund për përçarjen e PS-së dhe kohët e fundit po punon për likuidimin politik të lëvizjes “Zgjidhja”.
“Të gjithë e kemi ndjekur shkarkimin e kryetarit të Qarkut Vlorë, Sadrit Danaj. Ajo është një ngjarje e shëmtuar, e paligjshme dhe plot manipulime. Opinioni publik do t’i mbajë mend sjelljet e Gjiknurit, që përdori edhe badigardët, për të dhunuar e mposhtur qëndresën e Sadritit ndaj një procesi të falsifikuar zgjedhor”, u shpreh Kokëdhima.
Më tej, ai pohoi se lidershipi i Partisë Socialiste e përjashtoi nga funksionet atë, pasi nuk dëshironte që të lejonte asnjë liri për mendimin ndryshe dhe debatin në parti.
Kokëdhima në fjalën e tij shtoi gjithashtu se PS-ja asnjëherë nuk ka qenë kaq e pa organizuar.
“Kurrë ndonjëherë nuk ka qenë në këtë derexhe Partia Socialiste”, tha Kokëdhima.
