Pas mbledhjes së Kuvendit për raundin e parë për zgjedhjen e presidentit, ku nuk u paraqit asnjë kandidaturë, kryeministri Edi Rama theksoi se Shqipëria kërkon një president të gjithëpranuar. Për këtë arsye, sipas tij, mazhoranca është duke pritur opozitën për të arritur në një figurë konsensuale.
“Nuk u paraqit asnjë kandidaturë sepse duam që opozita të bëhet pjesë e këtij procesi. Duam t’i rikthejmë atij institucioni dinjitetin që të ngrihet mbi palët dhe jo një figurë të njëanshme si kjo që kemi tani. Më mirë një president i vonuar dhe i gjithëpranuar sesa një president i miratuar në mënyrë të njëanshme. Demokratët janë votuar që të vijnë në punë.”
