Menjëherë pas deklaratës së Edi Ramës se, nëse nuk ecën anëtarësimi në Bashkimin Europian, atëherë Shqipëria e Kosova do të bashkohen, gazeta e Beogradit “Blic” në versionin online, filloi një anketë me lexuesit e saj.
Anketa vazhdon deri në mbrëmje, por rezultatet e deritashme të anketës thonë se bashkimi i Kosovës me Shqipërinë do të ndodhë.
Kjo është pyetja e anketës: A do të bashkohen Shqipëria e Kosova dhe të krijohet kështu Shqipëria e madhe?
Me përgjigjet e mundshme për lexuesit: a) Sigurisht që kjo do të ndodhë në të ardhmen; b) Nuk do të ndodhë kurrë; c) Kam frikë se kjo do të ndodhë, madje shpejt.
Për versionin e parë (a) të përgjigjes kanë votuar 48 për qind e lexuesve.
Për versionin e dytë (b) të përgjigje kanë votuar 30 për qind e të anketuarve.
Për versionin fundit (c) kanë votuar 23 për qind e personave.
