Një turiste çeke është aksidentuar në kanionet e Skraparit. Siç mësohet, ajo ishte pjesë e një grupi turistësh, të cilët po udhëtonin vetëm, pa guidë turistike. Gruaja ka disa fraktura dhe pasi i është dhënë ndihma e parë në vendngjarje, është dërguar drejt Spitalit të Traumës në Tiranë.
Turistja ka qenë duke shkrepur foto në vendin e quajtur “Vrima e nuses”, kur është rrëzuar. Nuk është hera e parë që turistët e huaj pësojnë aksidente në këto kanione, ku më së shumti shkojnë vetëm, pa guida vendase që njohin territorin, transmeton Top Channel.
