Vazhdon të rritet tensioni mes SHBA-ve dhe Koresë së Veriut, teksa kjo e fundit vazhdon të testojë raketa balistike, pavarësisht kritikave.
Lajmin mbi testimet e ka bërë të ditur zv/ministri i Jashtëm koreano-verior, Han Song-Ryol.
Teksa foli për BBC, ai tha se Peniani do të bëjë teste raketash çdo javë, muaj dhe vit, ndërsa theksoi se lufta do të vijë vetëm nëse SHBA ndërmerr aksione ushtarake.
Fjalët e Han u cilësuan si një përgjigje ndaj paralajmërimit të zv/presidentit amerikan, Mike Pence, i cili u shpreh se “Koreja e Veriut bën mirë të mos e vërë në provë SHBA-në”.
Megjithatë, sipas ekspertëve, koreanoveriorët janë ende larg zhvillimit të raketave balistike ndërkontinentale dhe armëve bërthamore, pavarësisht propagandës.
