Një 35-vjeçar, i shpallur në kërkim nga policia e Shkodrës, ka përfunduar në pranga.
Shtetasi Angjelin Shkëmbi, banues në Pulaj të Velipojës, u arrestua pasi më datë 28 shkurt të këtij viti ishte shpallur në kërkim.
Policia sqaron se Gjykata e Shkallës së Parë në Shkodër ka caktuar masën e sigurisë arrest me burg, më 14 shkurt 2017, për veprën penale “Prodhimi dhe shitja e narkotikëve”.
Komunikata e Pilicisë Shkodër :
Vijon puna për kapjen e personave të shpallur në kërkim. Ndalohet një shtetas, konkretisht: Angjelin Shkëmbi, 35 vjeç, banues në Pulaj, Velipojë, Shkodër. Nga shërbimet e Komisariatit Policisë Shkodër, në vijim të punës së tyre për kapjen e personave në kërkim dhe vënien para përgjegjësisë penale, më datë 16.04.2017, u bë e mundur kapja dhe ndalimi i shtetasit të lartpërmendur. Ky shtetas është shpallur në kërkim me datë 27.02.2017, pasi : Gjykata e Shkallës së Parë Shkodër me vendim Nr.114 datë 14.02.2017, ka vendosur për këtë shtatas masën e sigurisë “Arrest me burg”, për veprën penale “Prodhimi dhe shitja e narkotikëve” e parashikuar nga neni 283 i Kodit Penal.
