Kur kriza politika nuk po arrin të gjejë zgjidhje, nga aktorët politikë vendas dhe as nga diplomatët e huaj të akredituar në Tiranë, tashmë ka mbetur ndërhyrja direkte e drejtuesve të lartë të politikës evropiane.
Për këtë arsye, pritet që javën e ardhshme, të mbërrijë në Shqipëri, kreu i komisionit të jashtëm në Parlamentin Europian, David McAllister. McAllister i përket partisë së Angela Merkel, dhe vizita e tij pritet që të ndihmojë palët për arritjen e një kompromisi, transmeton Vizion Plus.
Ndërsa, ditën e hënë, ministri i Jashtëm i Gjermanisë do të vizitojë Shqipërinë. Të dy do të kenë mesazhe të qarta për të adresuar kundrejt klasës politike shqiptare për zgjidhjen e krizës politike.
