Kreu i LSI-së, Ilir Meta, në mbledhjen e Komitetit Drejtues Kombëtar, theksoi se kryeministri Rama ka detyrimin që të garantojë zgjedhjet. Meta tha se LSI nuk po i kërkon Ramës që të japë dorëheqjen, por të pranojë “Qeverinë e Besimit”, ndërsa theksoi se Shqipëria mund të kthehet në një qendër të krimit të organizuar ndërkombëtar.
“Nuk kërkojmë që Rama të japë dorëheqjen, por të krijojmë “Qeveri Besimi”. Rama ka detyrimin kushtetues të garantojë zgjedhje të lira dhe të ndershme. Opozita nuk duhet të përshkallëzojë retorikën. Duhet t’i japim fund historive me të fortë, me presione. Shqipëria mund të kthehet në një qendër të krimit të organizuar ndërkombëtar. Kjo kërkon një përgjegjësi nga të gjithë. Kjo nuk do të thotë që të kalojmë në veprime që nuk ndihmojnë askënd, por vetëm sa shtojnë tensionin”, u shpreh Ilir Meta.
