Mali Bosavi u krijua nga shembja e një vullkani të shuar, duke u formuar një krater 4 km i gjerë dhe 1 km i thellë, “i mbushur” me xhungël të dendur, me ujëvara spektakolare dhe me një numër të madh llojesh endemikësh.
Ky mal është një tjetër “botë”, pothuajse e paarritshme për njeriun. Por, si është jeta brenda këtij mali?
Sipas shkencëtarëve, kafshët janë zhvilluar pak më ndryshe në këtë krater; këtu jetojnë bretkosa me dhëmbë, peshq që prodhojnë zhurma të çuditshme apo minj të mëdhenj sa një mace.
Këto kafshë e kanë të pamundur të largohen nga ky krater, për shkak se ai është i rrethuar me mure natyrore të larta rreth 1.000 metra.
Ekipi i BBC, bashkë me një ekip hulumtuesish, e eksploruan këtë botë të humbur në vitin 2009. Dr. George McGavin, udhëheqës i hulumtuesve, së bashku me disa banorë lokalë të fisit Kasua, u vendosën në këtë krater, prej datës 30 janar deri më 4 mars 2009.
Gjatë kësaj periudhe, ata gjetën mëse 40 lloje të papërshkruara më parë, përfshirë 20 lloje të reja të insekteve dhe merimangave, 16 lloje të bretkosave, një lloj të lakuriqit dhe të paktën tri lloje të peshqve, kafshë këto që besohet se gjenden vetëm brenda këtij krateri.
Gjithashtu, hulumtuesit vunë re se kafshët nuk kishin frikë prej tyre, duke arritur në përfundimin se ky mund të ketë qenë kontakti i tyre i parë me njerëz.
Pëllumbi i frutave / Ulla Lohmann/BBC
Papagalli Micropsitta pusio / Ulla Lohmann/BBC
Shumëkëmbëshi leshtor i gjetur në xhungël / Ulla Lohmann/BBC
Miu i patrembur i Bosavit / Jonny Keeling/BBC
Brumbulli që e ndryshon ngjyrën / Ulla Lohmann/BBC
Specia e rrezikuar Litoria Sauron / Ulla Lohmann/BBC
Cicinnurus regius / Ulla Lohmann/BBC
Hyrja në shpellën Mageni
