Kreu i Partisë për Drejtësi, Integrim dhe Unitet, Shpëtim Idrizi, i ftuar në emisionin “Të Paekspozuarit”, foli për krizën politike në të cilën ndodhet vendi dhe se çfarë pritet në vijim.
I pyetur nga gazetari Ylli Rakipi, nëse Meta largohet nga qeveria dhe nëse PD nuk futet në zgjedhje, ju me kë do të shkoni, Idrizi tha nuk është veshtirë t’i përgjigjesh nëse-ve, por jemi në moment të rrezikshëm për vendin.
“Është e vështirë t’i përgjigjesh shumë nëse-ve që ju më pyesni. Ne sot jemi në një moment të rrezikshëm për vendin. Shumë institucione do humbin legjitimitetin, dhe ne do shkojmë në një pikë që s’dimë çfarë do bëhet. Unë nuk e imagjinoj dot sot, edhe me praninë time, se si palët në 2017-n, një vend kandidat për BE, të mos arrijnë të bëjnë zgjedhje trasnparente dhe pa bërë zgjedhje me të gjitha palët. Ne kemi bërë propozime konkrete për të hyrë në bisedime”, u shpreh Idrizi.
