Misioni i OSBE-ODIHR-it thekson se situata aktuale politike dhe mungesa e dialogut midis forcave kryesore politike mund të minojë zgjedhjet e 18 qershorit.
‘‘Më 18 qershor shqiptarët do të zgjedhin 140 anëtarët e Parlamentit, sipas sistemit proporcional rajonal. Këto zgjedhje zhvillohen në një klimë të nxehtë politike. Forcat kryesore politike PD dhe PS janë qartazi në përplasje me njëra-tjerën. Që prej muajit shkurt, Partia Demokratike bojkotoi Parlamentin dhe doli në rrugë për të protesuar. Ajo kërkon qeveri teknike për të siguruar zgjedhje të lira dhe të ndershme. Ndërkaq, mazhoranca nuk i ka pranuar kërkesat e opozitës dhe e ka kritikuar atë se po bllokon reformat. Të deleguarit e OSCE/ODIHR-it kanë shprehur shqetësimin e tyre se situata aktuale politike dhe mungesa e dialogut mund të minojë zgjedhjet e 18 qershorit’’, thekson OSBE-ODIHR-i në raportin e saj.
Megjithatë, në Shqipëri do të dërgohen nga OSBE-ODIHR-i 30 vëzhgues afatgjatë dhe 300 afatshkurtër për të monitoruar zgjedhjet parlamentare të 18 qershorit, nga të cilat do të dalin të zgjedhurit për Kuvendin e ri.
Tirana Today
