Ministri i Jashtëm, Ditmir Bushati, e mohon kategorikisht se në Shqipëri mund të ketë influenca ruse.
Në një intervistë për France 24, në emisionin ‘‘Talking Europe’’, Bushati thekson se në Shqipëri janë vetëm përplasjet politike ato që dalin në pah, dhe jo përfshirja e palëve të treta, siç mund të jetë Rusia.
Ditmir Bushati: “Unë nuk besoj se kemi të bëjmë me një ndarje të tillë. Kemi të bëjmë më një rezistencë politike, që vjen nga segmente të caktuara politike, por gjithashtu kemi edhe një rezistencë që vjen nga segmete të drejtësisë që preferojnë sistemin aktual të drejtësisë. Kështu unë nuk do të lidhja këtë situatë në mënyrë automatike me influencat e të ashtuquajturit aktorë të tretë. Qeveria jonë, mazhoranca jonë është e vendosur për të shkuar përpara drejt rrugës evropiane me procesin e reformave sepse në rastin tonë, procesi i integrimit europian është i lidhur ngushtësisht me kualitetin e reformës në drejtësi”, u shpreh Bushati.
