Koço Kokëdhëdhima është takuar pasditen e sotme me kreun e Partisë Demokratike Lulzim Basha në ambientet e ‘‘Hotel Rogner’’, afër çadrës së ngritur nga demokratët.
Nuk dihet cila është arsyeja e takimit me njëri-tjetrin, kur Kokëdhima, ish- deputeti i Partisë Socialiste ka mbetur pa mandat, por që në vazhdim krijoi lëvizjen “Zgjidhja”.
Biseda mes tyre mund të jetë ngërçi politik, por nuk dihet nëse Kokëdhima e ka marrë këtë hap vetë, apo është masha e një dore tjetër.
Mundet që edhe Kokëdhima të jetë dërguar “në çadër”, nga kreu i Lëvizjes Socialiste për Integrim, Ilir Meta, duke përjashtuar mundësinë që Kokëdhima të jetë negociator i dërguar nga kryeministri Rama, po të kemi parasysh përplasjet e tyre politike. Kokëdhima dhe Basha janë shoqëruar nga këshilltarët mediatik. Nga foto e para që vinë ne tavolinën e takimit ndodhen më shumë se pesë të pranishëm.
Deri sa të mbarojë takimi nuk dihet asnjëgjë. Le të presim se çfarë deklaratash do të lëshohen nga dy “kokat” e takimit.
Mos harrojmë se Kokëdhima është atakuar shumë fort me kreun e PD Lulzim Basha, e sidomos me ish kreun e PD-së Sali Berisha. Madje ka qenë urdhëri i Kokëdhimës për tu shembur edhe super pallati i Bashës i ndërtuar buzëdetit në Vlorës, sapo qeveria Rama erdhi në pushtet.
Por, meqë politika nuk ka moral, le të presim se çfarë do të prodhojë ky takim!
