Katërmbëdhjetë presidentët e SHBA-së, që përmenden si masonë

Nëse doni ta dini përgjigjen e pyetjes se, çfarë ndikoi që 14 presidentë amerikanë të bëheshin masonë, atëherë lexojeni artikullin deri në fund.

GEORGE WASHINGTON

Presidenti i parë i SHBA-së ishte edhe presidenti i parë masonik i SHBA-së. Washington u kyç në Rendin e Frimasonerisë herët në jetën e tij, duke u anëtarësuar në Lozhën No. 4, ndërsa ishte vetëm 20 vjeç. Washingtoni ruajti lidhjet e tij me masonët deri në fund të jetës. Kur u përbetua si presidenti i parë i SHBA-së, ai përdori Biblën e Lozhës nr. 1 të, Shën Gjonit, Nju- Jork.

ANDREW JACKSON

Statusi i Jacksonit si mason u bë një temë e nxehtë politike gjatë presidencës së tij. Kjo për shkak se, asokohe, u formua një parti politike që ishte kundër masonëve. Kjo parti kundërshtonte masonët si elitistë, antidemokratikë dhe shoqëri sekrete. Kjo parti kundërshtonte ashpër Jacksonin, meqë ai ishte mjeshtër i madh (grand master) i lozhës së madhe të masonëve, në Tenesi.

JAMES MONROE

Thuhet se James Monroe u anëtarësua në Lozhën nr. 6, të Uilliamsburgut, kur ishte vetëm 17 vjeç, dhe ishte student i angazhuar kundër kurorës britanike.

JAMES K. POLK

Sipas disa të dhënave, presidenti i 11-të i SHBA-së ishte iniciuar në Lozhën nr. 31, Kolumbia, Tenesi. Kur u ngrit në shkallën e masonit, ai ishte vetëm 25 vjeç dhe kishte marrë licencën për të ushtruar drejtësinë.

ANDREW JOHNSON

Merret vesh se Andrew Johnson gjatë tërë jetës së tij ishte dhe mbeti një mason krenar.

JAMES BUCHANAN

Thuhet se Buchanan u anëtarësua në Lozhën nr. 43, në Lankaster të Pensilvanisë. Ai ishte ndër presidentët më pak të popullarizuar amerikanë

JAMES GARFIELD

Garfield ishte iniciuar në Lozhën Magnolia nr. 20, në Kolumbus, Ohajo. Ai ishte edhe pjesëtar i tempullarëve.

THEODORE ROOSEVELT

Kur janë analizuar letrat e presidentit Roosevelt, është parë se ato përmbajnë referenca ndaj aktiviteteve të tij masonike. Në një fjalim të mbajtur para masonëve, ai pati thënë se: Shkaku kryesor, që më joshi të bëhesha mason, ishte se aty njeriu trajtohet si njeri”. Roosevelt kritikon një mason, i cili mundohej që të përfitonte personalisht nga të qenit mason, gjë që është e ndaluar.

WILLIAM McKINLEY

McKinley trashëgoi Garfieldin edhe si presidenti i ardhshëm masonik, por edhe si presidenti i ardhshëm që u vra. Lozha të cilës ai dikur i takonte, sot mban emrin e tij.

WILLIAM TAFT

Taft ishte bërë mason në vitin 1909, rreth një muaj para se të bëhej president. Ai ishte munduar të përdorte parimet e masonëve për zgjidhjen e çështjeve botërore.

WARREN HARDING

Harding ishte ngritur në shkallën e masonit vetëm 19 vjet pas inicimit të tij. Me gjasë, kjo vonesë kishte ardhur për shkak të thashethemeve rreth prejardhjes afrikane të Hardingut, meqë zezakët nuk pranoheshin në shumicën e lozhave masonike.