Ish-deputeti i Partisë Socialiste, Ervin Koçi, është zgjedhur në krye të Autoritetit të Mbikëqyrjes Financiare.
Koçi dha dorëheqjen si deputet i PS-së vetëm pak javë më parë, për t’u emëruar sot në krye të AMF-së, pas votimit në Parlament, ku mori 71 vota pro, 2 kundër dhe 3 abstenime.
Ish-deputeti u propozua nga qeveria për postin e lënë të lirë nga Enkelejda Shehi, e cila u shkarkua nga detyra më 9 mars, pas 5 vitesh në krye të këtij institucioni.
Autoriteti i Mbikëqyrjes Financiare është përgjegjës për rregullimin dhe mbikëqyrjen e sistemit financiar jobankar dhe operatorëve që ushtrojnë aktivitetin e tyre në këtë sektor.
