Një nënë shqiptare në Itali, ka rënë në koma pasi lindi foshnjën e saj.
Ajo pësoi një hemorragji cerebrale, teksa ishte në muajin e gjashtë të shtatzënisë.
Nga gjendja e nënës, mjekët italianë u detyruan të ndërhynin në barkun e saj, duke përshpejtuar ardhjen e foshnjës së seksit femër në jetë.
Fëmijën më pas e transferuan në njësinë e kujdesit intensiv neonal, por, sipas mediave italiane, ajo ndodhet në rrezik dhe po monitorohet nga mjekët e spitalit.
Nëna shqiptare pësoi hemorragji në shtëpinë e saj. Shqiptarja u pa se nisi të kishte kontraktimet e lindjes dhe, për këtë arsye, u vendos të ndërhyhet me kirurgji e prerjeje cezariane.
Sipas mjekëve, foshnja e lindur në javën e 27-të e 4 ditë, për fat të keq, nuk është dhe nuk do të jetë mirë.
Ajo tani do t’i nënshtrohet të gjitha testeve të nevojshme mjekësore, për shkak se nuk ka hyrë ende në muajin e shtatë, dhe ekziston gjithmonë rreziku i të pasurit probleme të mushkërive, të cilat janë ende të paformuara, apo shikimit dhe dëgjimit, sepse truri nuk është zhvilluar plotësisht.
