Qeveria e Malit të Zi, në një postim në rrjetet sociale, ka bërë me dije se Shqipëria dhe Mali i Zi do të zhvillojnë një mbledhje të përbashkët qeverie, në muajin tetor. Gjatë vizitës së tij zyrtare në Malin e Zi, kryeministri Rama është pritur në një takim nga homologu malazez, Dushko Markoviç.
Në një konferencë për mediat dy kryeministrat vlerësuan marrëdhëniet mes dy vendeve, si dhe ranë dakord për mbajtjen e një mbledhje të përbashkët të dy kabineteve qeveritare gjatë muajit tetor.
Rama tha: “Marrëdhëniet mes dy vendeve janë të mira. Ne i përkasim vendeve me liri demokratike”.
“Nuk ka çështje të hapura midis Malit të Zi dhe Shqipërisë. Ne do të mbajmë një seancë të përbashkët të të dy kabineteve qeveritare në tetor”, thanë Markoviç dhe Rama.
