Kreu i opozitës, Sali Berisha hodhi poshtë pretendimet e Kryeministrit Rama se demokratët po nxijnë Shqipërinë me qëllim bllokimin e integrimit.
“Akuzat absurde të Edi Ramës se ne po e denoncojmë këtu apo atje, dhe unë u them dhe atyre pak individëve që e mbështesin. Nacionalizmi mafioz, nacionalizmi i mafies është strofulla e mafiozëve dhe s’ka asgjë të përbashkët me interesat patriotike, atdhetare të qytetarëve”, tha fillimisht ai.
Berisha fajësoi Ramën për bllokim te procesit të integrimit, duke e akuzuar se përmes lobistëve të korruptuar po i fsheh te vërtetën ndërkombëtareve dhe shqiptareve. Shqetësimin e tij, kryedemokrati e ndau me këshilltarin për sigurinë dhe politiken e jashtme te grupit parlamentar të CDU-CSU ne Budendestag Christian Forneck, me të cilin pati një takim në zyrën e tij.
“Sipas lobisteve te korruptuar ne duhet ta fshehim, ne duhet të eksportojmë kartele droge. Duhet të vazhdojmë të kryesojmë, të jemi vendi i parë në eksportin e kanabisit. Të jemi vendi kryesor në transportin e kokainës nga Amerika Latine në Europë e të tjerë e të tjerë me radhë, dhe këto duhet t’i fshehim. Këto nuk duhet t’i themi”, tha Berisha.
Berisha i kërkoi zyrtarit gjerman që të përcjelle ne Budestak qëndrimin e Partisë Demokratike që integrimit në bashkimit Europian të jete i bazuar në merite.
