Shkëlqim Hajdari ka zhvilluar një vizitë në Kavajë, ku u shoqërua nga nën/Prefekti Parid Xhihani. Gjatë vizitës ai u takua me Kryetarin e Bashkisë Kavajë, Fisnik Qosja, si dhe me drejtues të institucionit vendor.
Përmes një postimi publik, Hajdari shprehu vlerësimin për mikpritjen dhe gatishmërinë për bashkëpunim, duke theksuar se gjatë takimit u diskutuan prioritetet, sfidat dhe projektet që synojnë zhvillimin e mëtejshëm të qytetit dhe përmirësimin e shërbimeve për qytetarët.
Ai e konsideroi vizitën një mundësi për të forcuar komunikimin institucional dhe për të ndërtuar ura bashkëpunimi, duke shprehur besimin se përmes dialogut dhe angazhimit të përbashkët mund të arrihen rezultate konkrete në shërbim të komunitetit.
