Kryeministri Edi Rama ka vijuar replikat me kreun e Demokratëve Euroatlantikë, Lulzim Basha pas diss-it të tij me “ku i ke shokët”, ndërsa u shpreh se “PS është oqean, një bie dhe mijëra ngrihen”.
Ndërsa, Basha dje zgjodhi këngën e reperit kosovar “Unikatil” për të pyetur se “ku i ka shokët”, Rama iu përgjigj me një tjetër këngë të Unikatil, ku ndër të tjera thuhet “sa herë e ke provuar me mua ke dështuar”.
Rama u shpreh se “PS është oqean ku një bie dhe mijëra ngrihen”.
“I madh je. Ku i kam shokët unë? Ore ta thashë mos ma qaj hallin mua. PS është oqean, një bie, mijëra ngrihen. Nuk është kënetë si ajo ku ishe ti kur të përzunë, nder të bënë. Por nuk është as lugë, lugë uji si kjo ku je zhytur”, u shpreh Rama.
“Për njerëzit me fat thuhet i lindur me këmishë, kurse ti ke lindur me këmishë nate. Me super, super fat. Hajde artist se ti je duke fjetur tashti kur të shohësh nesër këtë. Dëgjo mos ma harro, ndalo një çik kap ndonjë pasagjer demokrat se gjynah, po ti ha bufi të gjithë”, thotë Rama.
https://www.facebook.com/share/v/1XYW2ipcLB/?mibextid=wwXIfr
