Një aksident automobilistik ka ndodhur në qytetin bregdetar të Durrësit, në rrugën “Mujo Ulqinaku”.
Një automjet tip “Renault” ka bërë manovrën për t’u kthyer në kahun tjetër të lëvizjes dhe është goditur nga një mjet tip “Ford Fiesta”. Ky aksident ka bllokuar qarkullimin në këtë rrugë, e cila lidh rrugën e Dëshmorëve me stadiumin.
Për momentin, nuk ka informacione për të lënduar, ndërsa pritet mbërritja e policisë rrugore për të kryer hetimet e nevojshme dhe për të rikthyer normalitetin në qarkullim.
