Aeroporti Ndërkombëtar i Tiranës (TIA) është çertifikuar me Nivelin 3-Optimizim, nga programi i Akreditimit të Karbonit të Aeroporteve; i vetmi program i miratuar institucionalisht që drejtohet nga Këshilli Ndërkombëtar i Aeroporteve.
Ndryshimet klimatike janë tashmë një sfidë për të gjitha industritë në botë dhe qëllimi për të minimizuar impaktin mjedisor është kthyer në një mision madhor. Industria e aviacionit ka ndërmarrë hapa të rëndësishëm për të promovuar politika që nxisin një sistem më miqësor për mjedisin, që monitorohen nga institucione të sektorit të aviacionit. TIA ka qenë vazhdimisht pjesë e këtyre nismave për reduktimin e emetimeve dhe ky çertifikim nga programi i Akreditimit të Karbonit, është një motivim i madh për të vijuar me hapa edhe më të mëdhenj
Ky çertifikim vjen pas një procesi të gjatë monitorimi nga palë të treta të pavaruara me ekspertizën e duhur për të vlerësuar planifikimin dhe zbatimin e aktiviteteve të nevojshme për të arritur reduktimin e ndikimit negativ në mjedis.
Në Aeroportin Ndërkombëtar të Tiranës janë investuar mbi 5 milionë euro nga Kastrati Group, në drejtim të projekteve për zhvillim të qëndrueshëm dhe uljen e ndikimit negativ në mjedis:
Instalimi dhe operimi i një paneli për energjinë diellore në ndërtesën e aeroportit që ka prodhuar 5700 MW duke reduktuar nevojat për përdorim të energjisë jo të rinovueshme.
I gjithë ndriçimi në terminal është zëvendësuar me ndriçim Led në vend të atij halogjen duke reduktuar konsumin e nevojshëm të energjisë me 50%
Sasia e reduktuar e karbonit për shkak të përdorimit të energjisë së rinovueshme gjatë viteve 2023-2024 është 4 443 ton; e përkthyer në 155 497 pemë të ruajtura.
Mjetet motorrike të aktiviteteve mbështetëse të aviacionit janë duke u zëvendësuar me mjete elektrike, të cilat kanë 0 mbetje karboni.
Me arritjen e Nivelit 3 të Optimizimit, TIA shkon një hap përtej. Ky nivel shënon jo vetëm përpjekjet individuale të aeroportit për të reduktuar ndikimin në mjedis, por edhe angazhimin e të gjitha grupeve të interesit për të njëjtin qëllim
Eriola Tola, Drejtuese për Infrastrukturën dhe Mjedisin në aeroportin e Tiranës u shpreh: “Ky çertifikim shënon një tjetër arritje në rrugëtimin tonë drejt emetimit NET 0 dhe i shton vlerë punës së bërë pëmes strategjisë sonë për zhvillim të qëndrueshëm. Skuadra drejtuese e aeroportit është e qartë për ndikimin që operacionet tona kanë në mjedisin lokal, rajonal dhe atë global. Kemi ndërtuar një plan të qartë për identifikimin e gjithë grupeve të interesit në aeroport dhe i kemi klasifikuar sipas nivelit të ndikimit të tyre në mjedis dhe emetimin e karbonit. Këtu përfshihen, linjat ajrore partnere, autoritetet vendase, partnerët tregtarë që punojnë në aeroport, punonjësit, etj. Qëllimi ynë është angazhimi i tyre në iniciativa të përbashkëta për reduktimin e mbetjeve negative. Programi ynë inkurajon një vizion të përbashkët dhe përkushtim për politikat mjedisore”
Grupi Kastrati ka përgëzuar skuadrën e aeroportit për këtë arritje. Praktikat e grupit kanë në fokus mjedisin dhe politika të standartizuara europiane. Grupi Kastrati ka projekte ambicioze për prodhimin e energjisë së rinovueshme të cilat do të ndikojnë jo vetëm aeroportin por edhe të gjitha kompanitë e grupit dhe pse jo, edhe Shqipërinë. Të gjitha investimet e grupit udhëhiqen nga parimi i risisë dhe qëndrueshmërisë
Olivier Jankovec, Drejtor i Përgjithshëm i Këshillit Ndërkombëtar të Aeroporteve të Evropës, u shpreh “ Urime Aeroportit Ndërkombëtar të Tiranës për arritjen e Nivelit 3, Optimizim në Akreditimin e Karbonit për Aeroportet! Niveli 3 shënon një arritje të rëndësishme në ecuri dhe pjekuri në rrugën drejt reduktimit të emetimit të karbonit. Përgëzime të gjithë skuadrës dhe pres me padurim të festojmë arritje të tjera në rrugën drejt emetimit NET 0.”
Investimet në drejtimin mjedisor janë në vazhdimësi dhe pritet që shumë shpejt TIA të përfundojë instalimin dhe vendosjen në punë të një ferme diellore; nga më të mëdhatë në Evropë që do mundësojë, 50MWp energji të prodhuar. Ky investim do e rendisë aeroportin e Tiranës ndër aeroportet e paktë në Evropë që arrin nivelin NET 0 të emetimit të karbonit brenda vitit 2030.
Për Tirana International Airport në lidhje me Zhvillimin e Qëndrueshëm.
TIA Environmental Management
Për Programin e Akreditimit të Karbonit në Aeroporte:
Home – Airport Carbon Accreditation
Për Zotimin NET0 të Aeroporteve:
Airports committed to Net Zero
