gjencia e Mbikëqyrjes Policore ka arrestuar një efektiv policie në Këlcyrë, i cili akuzohet se ka shkaktuar një aksident teksa ka qenë në gjendje të dehur, ku si pasojë e aksidentit kanë mbetur të plagosur dy persona.
Në pranga është vënë inpektori D. C., me detyrë Patrullë e Përgjithshme në Postën e Policisë Këlcyrë, Drejtoria e Policisë Gjirokastër.
Ai dyshohet për kryerjen e veprave penale “Shkelje e rregullave të qarkullimit rrugor”, dhe “Drejtimi i mjetit në mënyrë të parregullt”.
“Punonjësi i policisë gjatë drejtimit të mjetit tip “Citroen” në aksin rrugor Këlcyrë-Përmet, në vendin e quajtur fshati Ribaj është përplasur me mjetin tip “Nisan”, ku si pasojë kanë ngelur të dëmtuar pasagjerët e mjetit tjetër, shtetasit D. H., 57 vjeç dhe shtetasi R. S., 59 vjeç, të cilët pasi kanë marrë ndihmën e parë mjekësore në spitalin e Përmetit, janë larguar për në banesë.
Nga verifikimi me testin matës të alkoolit ai rezultoi pozitiv në masën 1.19 mg/l në testin e parë dhe 1.21 mg/l në testin e dytë.” – thuhet në njoftimin e AMP-së.Materialet procedurale janë referuar në Prokurorinë e Gjirokasrës për veprime të mëtejshme.
