Është publikuar agjenda e seancës së përbashkët plenare të Kuvendit të Kosovës dhe Kuvendit të Shqipërisë, që do të zhvillohet më 20 dhjetor në Prishtinë.
Sipas informacioneve, zyrtarët e lartë të politikës shqiptare, përfshirë kryeministrin Edi Rama, kryetaren e Kuvendit Elisa Spiropali dhe kryetarët e grupeve parlamentare, do të nisen nga Tirana me autobusë për në Prishtinë, ku seanca do të nisë në orën 11:00.
Kryetari i Kuvendit të Kosovës, Glauk Konjufca, do të jetë i pari që do të mbajë fjalën, duke e pasuar kryetarja e Kuvendit të Shqipërisë, Elisa Spiropali. Më pas, do të flasin krerët e grupeve parlamentare të të dyja vendeve.
Seanca do të mbyllet me fjalët e kryeministrit të Shqipërisë, Edi Rama, dhe më pas të kryeministrit të Kosovës, Albin Kurti.
Programi i plotë:
06:00: Nisja nga Tirana në mënyrë të organizuar me autobuzë nga Kryesia e Kuvendit
10:30: Arritja në Sallën e Seancave Plenare të Kuvendit të Kosovës
11:00: Hapja e aktivitetit me ekzekutimin e Himneve Kombëtar
-Fillon Seanca e përbashkët plenare në Kuvendin e Kosovës
Sh.T.Z. Glauk Konjufca, Kryetar i Kuvendit të Republikës së Kosovës (10 min)
Sh.S.Znj. Elisa Spiropali, Kryetare e Kuvendit të Republikës së Shqipërisë (10 min)
Znj. Mesila Doda, Kryetare e Grupit Parlamentar Demokraci dhe Integrim, Kuvendi i Shqipërisë (3 min)
Besnik Tahiri, Kryetar i Grupit Parlamentar të Aleancës për Ardhmërinë e Kosovës, Kuvendi i Kosovës (3 min)
Z.Fatmir Mediu Anetar i Grupit Parlamentar Aleanca për Ndryshim, Kuvendi i Shqipërisë (3 min)
Enis Kervan, Kryetar i Grupit Parlamentar Multietnik, Kuvendi i Kosovës (3 min)
Arben Gashi, Kryetar i i Grupit Parlamentar të Lidhjes Demokratike të Kosovës, Kuvendi i Kosovës (3 min)
Gazment Bardhi, Kryetar i Grupit Parlamentar të Partisë Demokratike, Kuvendi i Shqipërisë (5 min)
Abelard Tahiri, Kryetar i Grupit Parlamentar të Partisë Demokratike të Kosovës, Kuvendi i Kosovës (5 min)
Niko Peleshi, Kryetar i Grupit Parlamentar të Partisë Socialiste, Kuvendi i Shqipërisë (5 min)
Mimoza Kusari-Lila, Kryetare e Grupit Parlamentar të Lëvizjes Vetëvendosje, Kuvendi i Kosovës (5 min)
Sh.T. Z. Edi Rama, Kryeministër i Republikës së Shqipërisë (10 min)
Sh.T. Z. Albin Kurti, Kryeministër i Republikës së Kosovës (10 min)
Mbyllja e Punimeve
Kthimi për në Tiranë, në mënyrë të organizuar me autobuzë.
