Një bombul gazi ka marrë flakë mesditën e kësaj të marte në një banesë në qytetin bregdetar të Vlorës. Ngjarja ka ndodhur në lagjen “10 Korriku”, dhe në momentin që bombula është përfshirë nga zjarri familjarët kanë qënë në banesë.
Kanë qenë këta të fundit që e kanë nxjerrë jashtë saj për të shmangur rrezikun, dhe kanë lajmëruar forcat zjarrfikëse duke e lënë në oborr bombulën në flakë.
Mësohet se nuk raportohet për persona të lënduar nga flakët.
Zjarrfikësit kanë mbërritur në vendin e ngjarjes dhe kanë shuar zjarrin.
