Tentoi të vidhte para, në një dyqan, si rezultat i reagimit të menjëhershëm të Policisë, arrestohet 55-vjeçari në Kuçovë.
Burime zyrtare nga policia bënë me dije se pas hekurave ra shtetasi Xhezmi Liko.
“Mbrëmjen e djeshme, sapo janë njoftuar se një shtetas kishte hyrë në një dyqan në lagjen “11 Janari”, për të vjedhur, shërbimet e Komisariatit të Policisë Kuçovë kanë organizuar punën dhe kanë shkuar në vendngjarje, me qëllim kapjen e këtij shtetasi. Si rezultat i veprimeve të shpejta hetimore dhe operacionale, u bënë identifikimi, kapja dhe vënia në pranga e shtetasit Xh. L., 55 vjeç, banues në Kuçovë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.”, thuhet në njoftimin e policisë.
