Një numër i konsiderueshëm ankesash ka mbërritur nga qytetarët te ERE gjatë 2016-ës.
Në raportin vjetor të institucionit në fjalë, bëhet me dije se numri i ankesave ishte 957.
Ky raport thekson megjithatë diferencën e theksuar të ankesave gjatë 2015-ës, të cilat arrinin shifrën 3519.
Numrin më të madh të ankesave e zënë ankesat për energji të pamatur.
“Vihet re se këto ankesa janë të mbartura dhe përfshijnë faturime të energjisë elektrike, të cilat kanë ardhur si pasojë e kontrolleve të ushtruara nga shoqëria “CEZ Shpërndarje“ sh.a, përgjatë periudhës 2011-2013, ku vihet re se në shumicën e rasteve të paraqitura, procesverbalet e mbajtura për konstatimin e ndërhyrjeve të paautorizuara në sistemin e matjes janë kryer jo në prezencën e klientit, në bokse kolektive të matësave të energjisë elektrike”, thuhet në raportin e ERE.
Referuar shifrave zyrtare ankesat për energji të pamatur janë 308, për faturim aforfe 105, për mbifaturim 243, për faturim fiktiv 43, për kontratë fiktive 32, me vlerë referuese 60, të ndryshme 102, shkruan Scan.
Ankesat 2016:
Energji e pamatur 308
Faturim aforfe 105
Mbifaturim 243
Faturim fiktiv 43
Kontratë fiktive 32
Vlerë referuese 60
Të ndryshme 102
