Sjelljet e harbuara dhe jashtë kontrollit në klubet e natës, mund të të zbrazin xhepat. Arturo Vidal, një nga futbollistët më të njohur të botës, kohët e fundit pjesë e Barcelonës së madhe, është i fundit në radhë që e ka pësuar nga dëshmitë e kamerat e sigurisë së një klubi nate në Mynih, ku kishte shkuar të festonte.
Sipas gazetës italiane “Corriere della Sera”, ngjarja është regjistruar në “Crown’s Club”, më 16 shtator 2017, menjëherë pas fitores së skuadrës së Bajernit me Mainz. Vidal kishte shkuar në këtë lokal me disa miq, për të festuar dhe në dëfrim e sipër ishte përfshirë në një sherr masiv.
800 mijë euro është gjoba që një gjykatës në Mynih ka akorduar për futbollistin e njohur nga Kili. Sipas vendimit të gjykatësit, Vidal është protagonist në sherrin e filmuar nga kamerat e sigurisë.
Bashkë me Arturon, në sherr ishte përfshirë edhe i vëllai Sandrino, edhe ky i gjobitur me 20 mijë euro.
