Ish-Kryeministri Sali Berisha ka denoncuar në rrjetet sociale faktin se 63 policë kanë pranuar në formularin e vettingut, që kanë lidhje me Agron Xhafajn, vëllain e ministrit Fatmir Xhafaj. Sipas Berishës, edhe 15 gjyqtarë e prokurorë kanë pranuar lidhjen me vëllain e ministrit.
“63 policë, 15 gjyqtarë dhe prokurorë kanë deklaruar lidhjet me Agron Xhafën! Fatziu vetë nuk e kalon vetingun! I nderuar Doktor Berisha, këto janë disa pyetje nga formularët e Vetingut që Xhafa po i bën Policisë. Dy nga pyetjet lidhen me familjet e tyre nëse kanë patur lidhje me organizata kriminale. Nëse kanë patur, policët nuk kalojnë dot vetingun e Xhafës. Nderkohë që Xhafa nuk e kalon dot as vet vetingun që ai vet po bën.Përveç kësaj, në formularet e tyre 63 policë dhe 15 gjyqtarë dhe prokuror pyetjes se a keni patur kontakte apo keni pirë kafe me persona të inkriminuar apo të dënuar për trafik droge, i janë përgjigjur se kanë patur kontakte me Agron Xhafën”, shkruan në Facebook ish-Kryeministri Sali Berisha.
Agron Xhafaj është dënuar në Itali me vendim të formës së prerë për trafik droge dhe nuk ka vuajtur asnjëherë dënimin. Opozita akuzon ministrin Xhafaj se ka falsifikuar dokumente zyrtare për të ndaluar ekstradimin dhe burgosjen e vëllait të tij
